ඉතිහාසය

ධම්මපාල බාලිකාව ආරම්භය

කුරහන් සුවඳ මුසු වූ, දකුණු ගිරුවාපත්තුවේ බෙලිඅත්ත පුරවරයට ආසන්නව පුවක්දණ්ඩාව ග්‍රාමයේ එවකට බිහිවූ පාසල ශ්‍රී ධම්මපාල බෞද්ධ මිශ්‍ර පාසලයි.

වර්ශ 1953 මැයි  මස 15 වන දින සිසුන් 44 දෙනෙකුගෙන් යුක්තව තාවකාලික ගොඩනැගිල්ලක ශ්‍රී  ධම්මපාල බෞද්ධ මිශ්‍ර පාඨමාලාව නමින් මෙම විද්‍යාලය  අරඹන ලදී . අභිනව පාසලේ ගුරු මහත්න්වරුන් ලෙස ධර්මදාස කොඩිතුවක්කු මහතා සහ සෝමපාල රුවන්පතිරණ මහතා පත්කර ගන්නා ලදී . ශිෂ්‍ය සංඛ්‍යාව ඉහළ යාමත් සමඟ 1958 ජුනි මස 03 වන දින  ඥානවතී අබේධීර මහත්මිය ගුරුවරියක ලෙස පත් කර ගන්නා ලදී .

1953 මැයි 15 දින ඇරඹි "ශ්‍රී ධම්මපාල මිශ්‍ර පාඨශාලාව " 1957 වර්ෂයේ රජයේ ආධාර ලබන ප්‍රාථමික පාසලක් වශයෙන් ද 1959 දී පශ්චාත් ප්‍රාථමික පාසලක් වශයෙන් ද උසස් වී 1960 වර්ෂයේ ජ්‍යෙෂ්ඨ විද්‍යාලයක් බවට පත් කරන ලදි.ළමයි සංඛ්‍යාව 44 සිට 446 දක්වා ද ගුරු මණ්ඩලය 2 සිට 15 දක්වා ද වැඩි විය.

1953 ,1960 වර්ෂවල උසස් අධ්‍යාපනය සඳහා ශිෂ්‍යත්ව දෙකක් මෙම පාසල විසින් හිමි කර ගන්නා ලදි.එමෙන්ම පාඨශාලාන්තර තරගවලට ඉදිරිපත් වීමෙන් ජයග්‍රහනයක් ද මෙම පාසලේ දරුවෝ ලබා ගත්හ.

කාලයාගේ ඇවෑමෙන් මෙම පාසල 1995 දී ප්‍රථම වරට බාලිකා පාසලක් බවට පත් වන්නේ හ/ ධම්මපාල බාලිකා මහා විදුහල නමිනි.මෙම දම්පල් බාලිකා පාසලේ ප්‍රථම විදුහල්පතිනිය වූයේ නන්දා රාජපක්ෂ මැතිණියයි.

ප්‍රෞඩ ඉතිහාසයකට උරුමකම් කියමින් බෙලිඅත්ත පුර'ඹර දිදුලන හ/ධම්මපාල බාලිකා මහ විදුහල 2022.03.08 දින දකුණු ලක් අඹර එළිය කරමින් ජාතික පාසලක් බවට පත්ව දැයේ දියණියන්ගේ නැණ නුවණ වඩවමින් අභිමානවත්ව විරාජමාන වන්නීය.